माल

बचा अपने आप ने दोस्त भूचाल आवे स
नजर उठा के देख स्यामी एक माल आवे स
दोस्त ने सिर उठाया अर फरमाया
चोरी वास्तव में ऐ भूचाल स
या तो चलता फिरता माल स
पर ध्यान ते देख इसके चेहरे की रंगत उतर स
अर माल पे ध्यान आया न्यू बता आजकल भाभी के कर री स

राज

पत्नी ने घबराते हुए पति ते कह्या
न्यू में तो बीबी मैं थारी परमानेंट सु
अगर पीटो नही तो बताऊ मैं प्रेग्नेंट सु
सुनके पति ने बिखेरी मुस्कान
अर बोल्या' या तो खुसखबरी स
तन्ने क्यू पिटूँगा मेरी जान
इब पत्नी ने फरमाया था
बोली यो राज मैंने
क्वारेपण में अपने bapu  aage utarya tha
तो उसने मेरे खूब मारा था.

जद ऐ फेल होग्या

लड़का फेल होया तो बाप बोल्या....
बेटा तेरी हरकत ते मेरा दिल शर्मसार स
पड्डोसी की चोरी देख वा कितनी हुश्यार स
सुनके छोरे ने फरमाया बाऊजी
मैंने ख़ुद ते बहोत पढाया
पर पढ़ते पढ़ते मन में मेल होग्या
रोज पड़ोसी की छोरी देखू था जदऐ फेल होग्या

रस्सी आ फांसी खानी स.

मेरे इक दोस्त ने फरमाया ससुराल जाके यार मैं तो बहुत तंग आया
सारा खाली पेट रह्या कब खाना आवे रात दस बजे तक वेट रह्या
आख़िर देर रात साली ने रहम आया uसने आके फरमाया जीजा जी
थारे खातर कोए सेवा फ्र्माऊ के न्यू बताओ थारे खातरकुछ
खान् ने ल्याऊ के
इब खाना मांग के मैंने के बेजती करवानी स
मैंने भी कह दिया हाँ ले रस्सी आ फांसी खानी स.

धर्मात्मा

अपने धर्मात्मा होने की उसने या बात बताई
बोल्या मैंने कल रात एक भिखारी की जान बचाई
क्योकि मैं इक भिखारी ते बोल्या
तन्ने हजार का नोट दयूं तो के सुधर जावेगा
तो भिखारी बोल्या हजार का नोट आया बाद तो यो खुशी ते मर जावेगा
फेर उसने धर्मात्मा होण की निति अपनाई
अर भिखारी ते नोट न देके उसकी जान बचाई

हम मारां सा सीधे कौच

आस्ट्रेलिया की टीम बोली.....
खिलाड़ी हमने जीत खातर मैदान में उतारे स
देख लियो हमने लगते ऐ छक्के मारे स
सुंनके भारतीये टीम ने बांग लगाई
बोली...चोक तो हम भी मारां सां भाई
इब पाकिस्तानी टीम कई देर त रही थी सोच
वा उछल के बोली हम छके चोकके नही
हम मारां सा सीधे कौच

लागे स ड्राईवर मारया गया .

एक कबूतर कार ते टकरा गया
जख्मी होया तो ड्राइवर ने रहम आग्या
उसने घर ले आया 'अर उसका इलाज करवाया
जब वो होश में आया तो जोर ते चिल्लाया
.......हे ....भगवान ' मैं तो जेल में उतारा गया
लागे स ड्राईवर मारया गया .

सरदार जी ने अपना दिमाग लड़ाया

सरदार जी नंगे नहावे थे
उसका ससुर आया तो उसते देखते ही धमकाया
बोल्या....बेटा थोडी शर्म कर लिया कर
अर नहाते टेम कुछ पहर लिया कर
सरदार जी ने अपना दिमाग लड़ाया
अर भीतर जाके चपल पहर आया

जोर ते शंख ना बजाइए

दस्तां दवाई लेण के बाद इक पुजारी ने
परहेज पूछ्या तो डॉक्टर ने कुछ भी नही सुझ्या
पुजारी ते खाण पीण की सलाह देणके बाद बोल्या
शरीर बुढा हो लिया स इसने थोड़ा आराम दुवाइए
अर हो सके तो दो तीन दिन मन्दिर में ना जाइये
फेर भी अगर गलती ते जाना पडजा
तो तेरे लिए सबते बडा परहेज यो स
जोर ते शंख ना बजाइए

ल्यो भाईओ मेरी हरियाणवी मधुशाला से सोमवार के आप लोगो के लिए दो स्पेशल पैग,.....वैसे भी आज सारा दिन हल्की-हल्की बारिश रही है,, एन्जॉय करो,,,,,,,,,,,,

१
घी की ताकत छह मिह्न्या में, दारू की ताकत हाथों- हाथ
बस याहे सोच के दे री स, नई पीढ़ी बोतल का साथ
नौजवानों में मस्ती का गर दोस्तों संचार रहवेगा
सही कहू सु, देश वो तरक्की की और बहेगा
२
मेहँदी लगे हाथा त दुल्हन  गर पैग बनावे 
फेर अपने  होठा त छुके वा दारू दुल्हे न प्यावे
मस्ती बिखरे जीवन में आत्मा तक नशीली होज्या
न्यू रोज़ बोतल खोलन त जिंदगानी रंगीली होज्या