मर जायेगी पर किसी गरीब के काम ना आयेगी ...

 भिखारी ...एक लङकी से

क्या तुम मुझ से शादी करोगी !

लङकी ...शक्ल देखी है अपनी आईने मेँ
तुम से शादी करने से अच्छा तो मेँ फांसी पर लटक जाऊँ

भिखारी ...हे राम ,मर जायेगी पर किसी गरीब के काम ना आयेगी ...

झूठ पकड़ने वाला रोबोट

एक आदमी झूठ पकड़ने वाला रोबोट
खरीद कर लाया जो आदमी को झूठ
बोलने पर थप्पड़ मारता था उसने रात
के खाने के समय पर इसका परीक्षण
करने की सोची!बाप: बेटा, आज तुम स्कूल के समय पर कहाँ थे?बेटा: स्कूल में ही था पापा!
रोबोट ने बच्चे को थप्पड़ मार दिया!बेटा: बताता हूँ!
दोस्त के साथ डी.वी.डी पर पिक्चर देख रहा था!बाप:
कौन सी?बेटा: कुंग -फु -पंडा!रोबोट ने फिर से बच्चे
को थप्पड़ मार दिया!बेटा: ठीक है बताता हूँ, ये एक
अश्लील पिक्चर थी!बाप: क्या? जब मैं तुम्हारी उम्र का था तो मुझे पता भी नहीं था की ऐसी पिक्चर
भी होती है! रोबोट ने बाप को एक थप्पड़ मार दिया!माँ:
हा हा हा कर हंसने लगी, आख़िरकार बेटा तो ये
तुम्हारा ही है न!और रोबोट ने माँ को थप्पड़ मार दिया

क्यूं इसकी के आंख दुखणी आ री है।

हरियाणा में जब एक कंडक्टर ने बकाया राशि देते हुए एक गला हुआ सा दस का नोट किसी सवारी को दिया
तो सवारी बोली - ये नोट बदल दो।

उसकी बात सुनकर कंडक्टर ने ताना मारा -
क्यूं इसकी के आंख दुखणी आ री है।

आदमी नै पीणा लुगाई सिखावे सै

दर्द नै सहणा तो दवाई सिखावे सै
आदमी नै पीणा लुगाई सिखावे सै

जन्मजात नही होता कोए खुदगर्ज़
या हुश्यारी तो असनाई सिखावे सै

शादी के बाद क्यूकर बसाणा सै घर
यो ख्वाब सजाणा सगाई सिखावे सै

जिनका वास्ता पड्या सै वे जाणे सै
बड़े नै के कुछ छोटा भाई सिखावे सै

तेरे साथ नै तो सदा बेचैन करया सूं
महोब्बत तो मैंने तन्हाई सिखावे सै

उसते बड़ा कपूत कौण होवेगा

दिल के मामले में मात खाग्या
हमने तो म्हारा ज़ज्बात खाग्या

गाम नै तो बख्श दिया था हक
पर रिश्तेदार हाथों हाथ खाग्या

इतणा चालाक लिकडया महबूब
मिलते ही काम की बात खाग्या

उसते बड़ा कपूत कौण होवेगा
जो बेटा बाप की खुबात खाग्या

हद की भी हद होवे सै बेचैन
वो कैसे अपणी औकात खाग्या

झूठ का धंधा बकवास होवे सै

नाश करणिया का नाश होवे सै
झूठ का धंधा बकवास होवे सै

मेहनती अर इमानदार सै जो
जीत की उसे तै आस होवे सै 

जद तै बसंती नै जींस पहरी सै
पप्पू भी लगातार पास होवे सै

सै पलक पै जिसके लोभ का बाळ
दौलत उसकी ए दास होवे सै

साजिस अच्छी वो रचेगा बेचैन
माणस जो अपना ख़ास होवे सै 

इतणी पीवैंगे जब ताईं श्यामी आले तीन पेड छह ना दिखण लाग जां

एक बै लिलू अर धारा आहते मै बैठे पीण लाग रे
लिलू - भाई धारे आज तै इतणी पीवैंगे जब ताईं श्यामी आले तीन पेड छह ना दिखण लाग जां
आहते आला आया अर बोल्या - अरै कमिनों, श्यामी एक ए पेड सै, ईब के य्हाडै जंगल बणाओगे...?

जाड़ा आग्या इब तो करामात होया करेगी

जाड़ा आग्या इब तो करामात होया करेगी
दो कौफी में लम्बी मुलाक़ात होया करेगी

स्वेटर जाकेट पहर के मैं भी मोटा दिखूंगा
मेरी कमजोरी पर ना इब बात होया करेगी

कितनी ए कॉफ़ी पी ले, वा सहेलियां कै संग
ना बिल नै लेके कोए खड़ी खाट होया करेगी

दिसम्बर जनवरी में जद भी बैठांगे पार्क में
गुनगुनाती धुप भी माहरे साथ होया करेगी

हाथ पकड़ के चालांगे तो किसे ना दिखांगे
जद बेचैन धुंध आल्ली बरसात होया करेगी

दबंगा की दमबाजी नै पपोल के जाऊंगा

पहली बार आया सूं कुछ बोल के जाऊंगा
कालजा चार भाईया का छोल के जाऊंगा

सीधी चोट मारूंगा सबते निचले घड़े कै
दबंगा की दमबाजी नै पपोल के जाऊंगा

शक्ल तै बावलीबूच दिखू सूं तो के होया
स्याणे लोगा की नब्ज़ टटोल के जाऊंगा

उम्र भर मात्राओ के बोझ तले दबे सै जो
मैं वजन उन शायरों का तोल के जाऊंगा

कदे सौ ग्राम भी दूध ना देते पड़ोसिया नै
झोटी उन ज़मींदारा की खोल के जाऊंगा

मीठे के बाद नमकीन खावनिया खातिर
मैं चासनी में लाल मिर्च घोल के जाऊंगा

वो मुद्दत कै बाद मिल्या सै अकेला बेचैन
आंसूआ तै मैल मन का खंगोल के जाऊंगा

चुप थोड़े रहूँगा

मौका लाग्या सै आज चुप थोड़े रहूँगा
चाहे हो किसे कै खाज चुप थोड़े रहूँगा

मन की भडास सारी ए लिकाड़ दयूंगा
चाहे बुरा मानो समाज चुप थोड़े रहूँगा

अच्छे और बुरे की सब समझ आवे स
मैं भी खाऊं सूं अनाज चुप थोड़े रहूँगा

पैरां त पैदल सूं मगर दिमाग त नही
जब खुलग्या सै राज़ चुप थोड़े रहूँगा

मेरी शराफत उननै कमजोरी लागे सै
बणना पड़ेगा बेल्याज़ चुप थोड़े रहूँगा
क्यूकर जतावेगा वो अहसान मदद का
मैंने दे राख्या सै ब्याज चुप थोड़े रहूँगा

बेशक देर सवेर करूं दुश्मना का बेचैन
करके छोड़ना सै इलाज़ चुप थोड़े रहूँगा