दर्द दुनिया भर का लेके मर जाऊ

सबके नाम का मैं ए दुखी पा ल्यू
सोचू सूं गम त ब्याह रचा ल्यू
भूल त भी किसे क, ना आवे आंसू
समन्दर न अपनी पलका प बिठा ल्यू
दर्द दुनिया भर का लेके मर जाऊ
बाकिया न तंग पावण त बचा ल्यू
शोहरत तो शायद ना लेण देवेंगे लोग
बदनामी का ए इलज़ाम उठा ल्यू
बोलके बेचैन हाल पूछे स दोस्त
इस जुमले प जी भर के मुस्कुरा ल्यू

,अस्सी कोन काडे जा

एक बार एक सरदार कुंए म् पड़ग्या,अर किल्की मारण लाग्या ,धोर इ एक जाट किल्की सुण क भाज्या आया अर रुका मार क बोल्या' कोण स् भाई' ,सरदार न जवाब दिया 'अस्सी हां', जाट न जवाब दिया माफ़ करियो भाईसाबो,एक-दो होवा आर तो काड दु आर ,अस्सी कोन काडे जा

सुख अर वैभव का सबने मिले प्रसाद

दुनिया भर में बैठे हरियाणवी दोस्तां न
तीज के त्यौहार की दयु सूं मुबारकबाद
राम करे खुशियों की कोथली खुले सबके
सुख अर वैभव का सबने मिले प्रसाद

सदबुधी दे उननै जिनके, ओछे रिश्तेदार होवे

जल्दी त कोथली पहुंचा दे भाई, तीज आगी स
दे-देके ताने नणद अर सास्सू जी न खागी स

जब त लाग्या सामण तब त, योए दुखड़ा सह री सूं
के आवेगा,, के कुछ होगा, अपने आप त कह री सूं
ब्योंत स माडा पीहर का मैं इस रास्से में बह री सूं
फेर त्यौहार के नाम पे मेरी शामत लागी स.......दे-देके ताने नणद अर सास्सू.............

माँ और बाप रहे कोन्या मेरे  दो भाई स वे कमज़ोर
बड़ी मुश्किल त पाल रे टाबर बिना नौकरी डांगर ढौर
देवेंगे वो बेबे न कुछ बता क्यूकर मार देवू मैं बोर
मेरे भाईया खातर हाय गरीबी जाल बिछागी स ....दे-देके ताने नणद अर सास्सू.............

मेरी देवरानी और जिठानी ज्यादा मुह इतरावे स
जिस  कारण उनके घर त भर-भर झोले आवे स
मेरी हालत पे कोए ना हाय र तरस खावे स
या किस्मत की काली परछाई मेरे उप्पर छागी स ....दे-देके ताने नणद अर सास्सू.............

तीज मुबारक हो सारया न, सबका बेडा पार होवे
याहे दुआ देवे गरीबनी ना किसे की भी हार होवे
सदबुधी दे उननै जिनके, ओछे रिश्तेदार होवे
बात पते सबने बेचैन गरीबी बतागी स ....दे-देके ताने नणद अर सास्सू.............

लागे स हालात पे लिखणा पड़ेगा

दिन अर रात पे लिखणा पड़ेगा
लागे स हालात पे लिखणा पड़ेगा
नश्तर सी चुभे स, कडवी बोली
अपन्या के वाक्यात पे लिखणा पड़ेगा
लिकड़ आवे शायद राह कोए न कोए
उस दिन की मुलाकात पे लिखणा पड़ेगा
बदले स बैरी गिरगिट की ज्यूँ रंग
रिश्त्या की करामात पे लिखणा पड़ेगा
ले जावे स बहाके बेचैन जिंदगी न
आंसुआ की बरसात पे लिखणा पड़ेगा

क्वांरे भाई ओ की और से शादी के मामले में एक हरियाणवी शर्त जो मेरे बाबु की धोती धोवे ,, उसते ब्याह करूंगा

जो स्यानी काटती ना रोवे,, उसते ब्याह करूंगा
जो बाजरे की रोटी पावे,, उसते ब्याह करूंगा
जींस पहरन आल्ली त, मैंने सख्त अलर्जी स
जो सूट पहर के दिल न मोहवे,, उसते ब्याह करूंगा
वा धोवण में तो धो देगी, मेरे कपड़े फेर भी भाईओ
जो मेरे बाबु की धोती धोवे ,, उसते ब्याह करूंगा
सर पे चढ्गी तो थप्पड़ मार-मार उतारूंगा
जो पिटा-छित्या ना रोवे ,, उसते ब्याह करूंगा
घरवाली की डांट में भी प्यार छुप्या बेचैन
जो सही बात पे गुस्सा होवे ,, उसते ब्याह करूंगा

अहसास ने माना तो बन गया रिश्ता

जवानी का समन्दर पार नहीं होता
आदमी को जब तक प्यार नहीं होता
पूछ लीजिये बेशक किसी से जाकर
जिंदगी का कोई एतबार नहीं होता
इश्क नहीं इसको हम बहम कहेंगे
रु-ब-रु जब तक इकरार नही होता
अहसास ने माना तो बन गया रिश्ता
रिश्तो का वरना कोई आकार नहीं होता
रिन्द जिसे कहते हो रोजाना पीता है
हफ्तों में पीने वाला मयख्वार नही होता
इश्क से परहेज़ करने वालो याद रखना
बिना दिल दिए खुदा का दीदार नही होता
बात दिल की छुपानी जायज़ है बेचैन
पर्दा करने से इंसां शर्मसार नही होता

मरके विरासत में के देके जाओगे

नौजवानों सोच लो थम अपने टाबरा न
मरके विरासत में के देके जाओगे
झूठ चोरी जारी और फरेब की चासनी में
कौन से संस्कार भे के जाओगे
दे रहे हो जिस तरह  धोखा माँ बाप को
खुद संग यही क्या इतिहास दोहराओगे
वक्त है अभी भी सम्भल जाओ दोस्तों
वरना पीढियों का जुगाड़ क्र जाओगे

साँझ ढलते ही ख्वाब आने नहीं

अंगूर की बेटी के जो दीवाने नहीं
वो लोग महफ़िल में बुलाने नहीं
कल टूटते है तो आज ही टूट जाएँ
दोस्तों हमें झूठे रिश्ते निभाने नहीं
बिना पानी के जाम पीना पड़ेगा
यहाँ पर चलेंगे कोई बहाने नहीं
आने है जिसके आधी रात आयेगे
साँझ ढलते ही ख्वाब आने नहीं
अभी कल की ही तो बात है दोस्त
जख्म महोब्बत के पुराने नहीं
कोई तो बताये बेचैन जिसके
नसीब में इश्क के फसाने नहीं

सोच रह्य सूं भगवान् सोवे स अक जागे स

भाईचारा दोस्तों, ना बेरा कित खुग्या,
तीज अर त्यौहार इब कती फीके लागे स
रिश्तया की शुद्धता इसी होरी स जणु,
दूध खातर भैंस क रोज़ टिके लागे स
हाय तौबा माचगी अर बढ्गी स तेरा मेरी
सोच रह्य सूं भगवान् सोवे स अक जागे स
धन धान्ये नौकरी अर सारा स जुगाड़ जिनके
वो भी आज बीपीएल बणन न भागे स